Codex manuscriptus Liber Salopiensis nuncupandus,[1] vulgo Shrewsbury Book,[2][3] in bibliotheca Britannica servatur sub siglo Royal MS. 15. E. vi., quem codicem Ioannes Talbotus connestabilis Normanniae principissae Margaritae Andegavensis, futurae reginae Anglicae, anno 1445 ad matrimonium commemorandum dono dedit.
Margarita enim, annum sedecimum agens, a Rothomago Normanniae in Angliam a Talboto mense Aprili 1445 conducta est. Ibi regi Henrico VI die 23 huius mensis in abbatia Tichfeldensi nupsit dieque 30 Maii eiusdem anni regina in abbatia Westmonasteriensi ab archiepiscopo Cantuariensi Ioanne Stafford coronata est.[4] Dum iter in Angliam faciebant Talbotus eae hunc codicem summa arte illuminatum dono dedit "ne linguam Anglicam cognitura Francogallicae oblivisceretur", historias romanicas cantilenasque epicas comprehendentem necnon libros de nobilitate.
- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ "popularly known as the Shrewsbury Book": Henry Shaw, Dresses and decorations of the Middle Ages (Londinii: Pickering, 1843 1 2) vol. 2 no. 49
- ↑ Recentius "Talbot Shrewsbury Book", e.g. catalogus Bibliothecae Britannicae
- ↑ Tout (1893)
© MMXXIII Rich X Search. We shall prevail. All rights reserved. Rich X Search